Тәгәри гомер йомгагым

Хәмдүнә Тимергалиева репертуарында

Альфред Якшимбетов көе

Тәгәри гомер йомгагым,
Йөгердем, тоталмадым.
Сине һаман сагынсам да,
Яшьлеккә җиталмадым.

К у ш ы м т а:
Тәүге ярлар ятка кала,
Өзелеп яратсаң да.
Үткәннәргә булмый кайтып,
Сагышларда янсаң да.

Тәгәри гомер йомгагым,
Йөгердем, җиталмадым.
Җанымдагы сагышлардан
Аерылып киталмадым.

К у ш ы м т а.

Тәгәри гомер йомгагым
Яшьлегем эзләреннән.
Кабат сөеп үбәр идем
Сихерле күзләреңнән.

К у ш ы м т а.