Бәхетлеләр еллар санамыйлар

Елларымны һич тә мин санамыйм,
Чәчләремә чаллар кунса да.
Мин яратам сине дәшми генә,
Елмаеп тик каршы алсаң да.

К у ш ы м т а:
Бәхетлеләр еллар санамыйлар,
Бәхетлеләр яши үзенчә.
Татлы сүзләр бик күп әйтмәсәм дә,
Мин яратам сине үземчә,
Син дә ярат мине үзеңчә.

Яратуым бары арта гына,
Яшьлегебез инде узса да.
Сагындыра, бераз кайтмый торсам,
Бергә корган газиз бусага.

К у ш ы м т а.

Елларымны һич тә мин санамыйм,
Көннәрне тик саныйм кайчакта.
Мин бәхетле, көтәр кешем булгач,
Сине сагынып кайчан кайтсам да.

К у ш ы м т а.