Гыйнвар яңгыры

Мин кышлардан аклык көткән идем,
Көткән идем чиста ак карны.
Күкләр елый, әллә минем хәлне аңлап
Урамнарда гыйнвар яңгыры…

К у ш ы м т а:
Җиргә ятып бер елыйсы иде,
Кочагыма алып ак карны.
Кыш уртасы, ләкин урамнарда
Сагыш ява – гыйнвар яңгыры.

Пар балдаклар кидек туй көнендә,
Кемнәр бозды, белмим, араны?
Бәхет теләп кигән туй күлмәге
Нигә, иркәм, иртә каралды?

К у ш ы м т а.

Өзелеп сөйдем сине гомергә дип,
Таптым диеп насыйп парымны.
Җаным елый, кышкы күкләр елый,
Урамнарда – гыйнвар яңгыры.

К у ш ы м т а.